Jau n’ha nagina scolaziun u n’hai betg fatg cun success l’examen final da l’emprendissadi. Poss jau tuttina m’annunziar?
Ina scolaziun professiunala terminada cun attestat federal da qualificaziun u ina scolaziun equivalenta sco ina maturitad u scola media spezialisada SMS/scola media commerziala SMC èn premissa per in’annunzia.
Jau n’hai nagin dretg da burgais svizzer. Poss jau tuttina m’annunziar?
L’admissiun da candidat(a)s cun ina permissiun da domicil (permissiun C) è pussaivla.
Jau hai dapli che 30 onns. Poss jau tuttina m’annunziar?
Ina annunzia è pussaivla a partir da 20 onns. Ina limita da vegliadetgna na datti betg tar la Polizia chantunala dal Grischun.
Jau hai tetovaziuns. Poss jau tuttina m’annunziar?
Gea, in’annunzia è pussaivla. Sut la cundiziun che las tetovaziuns n’hajan nagin context rassistic e/u sexistic.
Poss jau m’annunziar malgrà chastis precedents?
L’admissiun da candidat(a)s cun chastis precedents dependa fermamain da las cuntravenziuns e dal temp passà dapi lura. Contactai per plaschair il sectur da scolaziun da basa cun il numer +41 81 257 76 53 per che nus possian valitar Vossa situaziun da maniera individuala.