Uschè energic sco ti – tia polizia chantunala dal Grischun
Daventar policista / policist
Has ti ina clera finamira per ti vita?
Treneschas ti per exempel per in maraton, vulessas ti scriver in cudesch da cuschinar u esser il meglier bab dal mund? Lura schain nus: Bainvegni tar la Polizia chantunal dal Grischun. Nus tschertgain persunas energicas. Persunalitads che stattan ferm en la vita e van enavant.
01 – Ademplescha las premissas
- Ti has ina buna conduita, il dretg da burgais svizzer u ina permissiun da domicil (permissiun-C).
- Ti has almain 20 onns ed has terminà ina furmaziun professiunala cun diplom federal, ina maturitad gimnasiala u ina maturitad spezialisada.
- Ti has bunas premissas psichicas e fisicas.
- Encunter tai na datti nagina procedura penala – quai sa chapescha da sasez.
- Ti has il permiss dad ir cun auto da la categoria B e sas lavurar da maniera digitala.
- Cumpetenzas da linguas estras èn d’avantatg en noss chantun.
02 – Fa cun success il test da qualificaziun
Quel consista d’ina part da teoria e d’ina part da sport. En la teoria examinain nus tias abilitads cognitivas (2 uras). En la part da sport cumprovas tes inschign, tia cundiziun e tia forza. Il test pos ti far tar il corp da polizia da la Svizra orientala.
03 – Frequenta la scola da polizia
Suenter il process d’annunzia tar il corp, cumenza tia scolaziun a la Scola da polizia da la Svizra orientala u a la Scola da polizia dal chantun Tessin.
Durada: in onn. Paja: gea.
04 – Lavura sco policista u sco policist
Suenter avair fatg cun success l’examen da l’abilitad a l’acziun (EAA), entschaiva la scolaziun pratica tar il corp. Cun sustegn da accumpagnaders da la pratica fas ti emprimas experientschas professiunalas e vegns preparà fitg bain per l’examen professiunal federal (EPF).
Durada: in onn. Paja: gea.
05 – Ta lascha festivar
La scolaziun da dus onns vegn terminada cun la tradiziunala saramentaziun festiva da las novas policista e dal novs policists. Cordialas gratulaziuns e bainvegni tar nus!
Pronta? Pront?
Per dumondas davart la professiun da polizia: grundausbildung@kapo.gr.ch